पुणे : चतुरंग प्रतिष्ठानतर्फे ‘एक कलाकार एक संध्याकाळ’ या कार्यक्रमाचे नुकतेच आयोजन करण्यात आले होते. यात अभिनेते, लेखक आणि दिग्दर्शक प्रवीण तरडे यांना आमंत्रित करण्यात आले होते. या कार्यक्रमाला पुणेकरांचा चांगला प्रतिसाद मिळाला.
या कार्यक्रमादरम्यान तरडे यांनी चित्रपटसृष्टीतील अनुभव कथन करताना माणूस म्हणून कसा घडत गेलो या सगळ्या प्रवासाबद्दल उपस्थितांशी मनमोकळ्या गप्पा मारल्या. आपल्या आवडत्या कलाकाराचे पडद्यावरचे व्यक्तिमत्त्व आणि पडद्यामागे एक माणूस म्हणून त्या कलाकाराचे असणे, त्याचे कलाकार म्हणून घडत जाणे, सामन्यातून असामान्य होत जाणे या गोष्टी जाणून घेत इतरांना यातून प्रेरणा मिळाली या उद्देशाने ‘चतुरंग’तर्फे हा कार्यक्रम आयोजित केला जातो.
